ـِِ~أح ـ،ــ،ـبكـ..~ـِِ

ஜღ [ احـبك كثر ماتقطع شفاتك في العسل مشوار ]





أحبك كثر ماقد صار احبك رغم ماصار
أحبك كثر مادنيا الزعل والصد مهجوره
احبك كثر ماتمطر بصدري من غلاك امطار
احبك كثر ماصارت اراضي العشق ممطوره





أحبك كثر ماتفتح شبابيك الربيع ازهار
احبك كثر ماغنت عشان الصبح عصفوره
أحبك كثر ماتوقف على جنب الطريق اشجار
احبك كثر مايقسى الشتاء وتهاجر طيوره




احبك كثر ما في الارض بنت تلفت الانظار
واحبك كثر مايرتاح عطر بصدر مغروره
احبك كثر ماجاب للمساكن اعطته زوار
احبك كثر ماجانا صباحك يشبهك نوره





احبك كثر ماتهدي كفوف الوصل من تذكار
واحبك كثر ماشالت ايدين العاشق زهوره
احبك كثر مانقرا عن الفارس عن المغوار
احبك كثر مانسمع ولاشفنا ولا اسطوره





احبك كثر ماتلعب الدنيا بالعاشقين اقدار
احبك كثر ماال الحظ دايم يعلن قصوره
احبك كثر ماعافت رياحي بحسبة البحار
واحبك كثر ما يعشق البحار نسمة بحوره





احبك كثر ما جاب المسا بمعطفه زوار
احبك كثر مافي الناس ناس جد معذوره
احبك كثر ماملت قصايدنا من التكرار
احبك كثر ما الشاعر تمنى حب جمهوره





احبك كثرماشفنا على وجه الزمان آثار
احبك كثر مافي الارض فقر وناس ميسوره
احبك كثر مادارت بذهن الحالمين افكار
احبك كثر مافي الخير ناس للخير مذكوره





احبك كثر مانحكي حكايات الحطب للنار
احبك كثر ماقلنا عن الاحوال مستوره
احـبك كثر مانجهل متى توقف بنا الاعمار
احـبك كثر مانسمع حكايا حب مشهوره





احـبك كثرماضاق السجين بلعنة الاسوار
احبك كثر ماهاج البحر واجتاحته ثوره
احـبك كثر ماننسى واحبك كثر ما نحتار
احـبك كثر مايسهر محب وفي ايده صوره





احـبك كثر مافيك الغلا ماوفت قصوره
واحـبك للزمن ساكن واحبك لو زماني دار
احـبك يامدينة حب وسط الصدر معموره
احبك والتفت شاعر لعينك وامطرت اشعار





تفضل لو انت مثلك ذكرت تهلت الانوار
وقمت اجمع من اشواقي قصايد عشق منثوره
تلذذ بالجمال وقلت ابهديك القصيدة إجرار
غلاك وصدق حبك ماترك لي نفس مكسوره



انا عاشق جمال وماخفالي في الجمال اسرار
انا لان كتبت اعطيك واعطي العشق بقدوره
حروف العشق طفله في ثياب العيد مسروره
لقيت الدلع والثقل شله والحسن ثرثار




كفايه لو تطل ويفرح بطلتك دار الجار
كفاية لو تشوف الناس بنظرتك معسوره


احبك
ثم احبك
ثم احبك
ثم احبك
رغم ماقد صار ..
احبك حيل مهما صار ..
احبك دام انا طيب واراضي العشق ممطوره
[http://www.up-00.com/s3files/uTY06051.bmp" border="0" alt=""/>